Дешара программа харца, Пятигорске белгалваьлар вай мехкахо
16.10.2024 09:56
Пятигорске «Машук» яхача моттиге дӀайихьача дешара программашта вола, вахара бувзамашта тӀахьожаш вола (модератор) саг хилар вай мехкахочох Охценаькъан Исламах.
Из хоам «Сердалога» бир цу моттигера.
«Ноахала оаз. Проректораш+ хьехархой» яхача дешара программан оагӀоно чулаьцар университеташкарча тоабай 200 саг. Кагирхой политиках, кхетама хьал лакхдарах бола болх тоабеш къахьега дезараш ба уж. Белгалде деза, Охценаькъан Ислам Ерригача Кавказа кагирхой Ӏомабеш болча оагӀон дешара хьехамча волаш хьавоагӀа массехк шу долга.
