Илдарха-Гӏалан вахархочоа суд ергья, саг ве гӏортарах
10.09.2025 16:25
Шолжа кхале техкар 58 шу даьннача Илдарха-Гӏалан вахархочун гӀулакх, из бехке ву саг ве дагахьа тӀакховдарах, иштта бокъонах доацаш герз леладарах, яхаш, дийцар «Сердало» газетага тӀахьожама боахаме.
2016-ча шера цу сага Калашникова автомат техар, шийна вовзаш волча сага, цхьан заман чухь хинна дов бахьан долаш. Бакъда герз кхийттар валанзар, чӀоагӀа лозаваь чов хинна вале а, шийна теха герз хьа даккхарах висар.
«Бехке веш вар къайлаваьлар, из лохаш вар, хӀаьта 2025 шера кӀимарса бетта хьалаьца чувеллар», - йоах хоамо.
Хӏанз из гӀулакх дӀадахьийтад Шолжа кхален суде дӀахо тахкара.
