Магаса вахархочо 20 шера 2,7 млн сом ца доагӀа пенси ийцад
26.06.2024 13:45
ГӀалгӀайчен полице гучаваьккхар, ца доагӀаш 20 шера пенси ийдеш ваьгӀа Магаса вахархо.
ГӀалгӀайче гӀолла йолча МВД хоам бир, 2003 шера 1952 шера ваьча цхьан сага, Россе бюджета чуйоагӀаш йоацача ганзе ше балха тӀа лозаваьв аьнна, каьхаташ чуденна хилар. Цу каьхаташ тӀагӀолла цунна ахчаш дӀатийннад массехк шера.
Ткъаь шера цу сага, болх бе йиш йолаш вац аьнна, ахчаш ийдаьд. Цу юкъа цунна деннад 2,7 млн сом .
Цунна духьала уголовни гӀулакх хьадийллад. Арахьа дӀагӀоргвоаца каьхат а яздайтад. ГӀулакх хӀанз тохкаш да.
