Наркотикаш лелаяьр суде кхаьчав
18.02.2025 12:57
Ший цӀагӀа наркотикаш лелаяьча 31 шу даьннача МагӀалбикерча вахархочун духьала тохкам беш хилар республикера прокуратура. Из хоам»Сердалога» бир цу моттигера.
2024-ча шера ахкан тӀехьарча бетта прегабалин, тропикамид, трамадол яха наркотикаш ийцай цо юхайохка дагахьа волаш. 1,2 кийла хиллал дола из дохьаж цун квартирера хьалаьцад Ӏаьдало. Ахкан тӀехьарча бетта 24-ча дийнахьа чухьежача полице болхлоша из деррига гучадаьккха, зуламхо Ӏочувигар. МагӀалбик-Шахьара судо дувцаргда цун дош.
