Наьсарен вахархочунна 8 шу ха техар, наркотикаш йохкарах
15.05.2025 16:04
Магаса кхален судо, Наьсарен-Шахьаре вахача 25 шу даьннача вахархочунна наркотикаш йохкарах ха техар, яхаш, дийцар «Сердало» газетага тӀахьожама лоаттабераша.
Судо лаьрххӀача беса, 2024 шера, наджгоанцхой бетта, цо ехкар 1,34 грамм йола мефедрон 9 бӀаь сомах. Из нийсделар цун цӀагӀа «цо фу ду хьожаш» бола оперативни болх дӀахьош.
Судо из ехка хилар ларде а лоацаш, цун 8 шера набахт валла ха техар. Из цо дӀахьоргья, халагӀча хьалех лоархӀача тоавалара колоне лаьца воаллаш.
