Интернетерча зуламхочо Iехавир вай мехкахо
Интернете гIолла нах Iехабеш ваьгIа зуламхо лохаш ба вай мехкара Iаьдала болхлой. РФ УК 159 йолча статьях бехктокхаме оазаргва из.
«Россе МВД Наьсарен оагIон болхлой болча латкъа венача сага дийцар, цхьан зуламхочо интернета оагIонашка «Лексус» яхача машина мотор бохкаш ва ше, аьнна, хоам оттабаь; Iехаваь ахча даьккхад шийгара, яхаш. 150 эзар сом ахча дIатIатессад цунна вай мехкахочо, хIаьта ахча каракхаьча зуламхо, цул тIехьагIа цхьаккха бувзам боацаш, вайна дIаваьннав», - дийцар «Сердалога» МВД зарбан болх лелабераша.
Полице болхлой даггара кхайкарал деш хьабоагIа бахархошка, боккъал а ма леладе малашб ца ховча нахаца йохкар-эцар, интернете багIача ца бовзача нахаца бувзаме ма дувла, шоаш Iеха ма дайта, оашош леладеча хIаман уйла еш, фийла хила, яхаш! Нагахьа шоаш зуламхоша Iехадаьдале, ма хулла сихагIа хоам бе Iаьдала болхлошка.
