Ший йиӀий могашала зе дарах, бехктокхаме озаргва Пхьилекъонгий-Юртара вахархо
11.07.2025 12:46
Ший йиӀий могашала зе деш, хӀама тохарах бехктокхаме озаргва Ӏаьдало 40 шу даьнна Пхьилекъонгий-Юртара вахархо. Из хоам «Сердалога» бир прокуратуре.
Тохкама болхлоша белгалдечох, укх шерарча бӀаьстан хьалхарча бетта 9-ча дийнахьа, дов даьнна, 17 шу даьннача йоӀа хӀама теха, аьрда кога голинга чов яьй дас. РФ УК шоллагӀча даькъа 112 статьяй «з» п. бехктокхаме озаргва из саг (лаьрххӀа даь, сага кхераме доаца, герза меттел йолча хӀаманца дегӀ дикка човхадеш могашала зе дарах).
Наьсарерча кхален судо дӀахо тохкаш латт из гӀулакх.
