Кофе хьадеш йола аппарат йохаяьча Эбарга-Юртарча вахархочунна гӀод тохаргда
Наьсарерча Московски оалача урам тӀа латта кофе хьатела аппарат йохаяь Эбарга-Юртара вахархо бехктокхаме озаргва. Из хоам «Сердалога» бир республикерча МВД болхлоша. «Обанхи» яхача тиканна гаьна йоацаш латта аппарат йоахаярах, мехкахочо чуденнача дехара тӀагӀолла тохкама болх дӀаболабир Ӏаьдала болхлоша.
Кинолог, хьаж йоаха жӀали долаш, дӀабихьача тохкама балхо гучадаьккхар, зуламхочо цу гӀирса кассови аппарат йохаяь 2000 сом ахча лочкъадаьлга, 35 эзар совгӀа мах бола кофе хьаду аппарат толхаяьлга.
Къоал дарах хьалха суд текха вола 40 шу даьнна зуламхо сиха хьалехар, ший бехк дӀатӀаийца из, чӀоагӀа хала хеташ вар, цигара ший 2000 эзар сом хиллал мара ахча дахьа аьттув ца баьнна.
РФ УК 1-ча даькъа 167 статьях бехктокхаме озаргва наьха хӀамаш лечкъае Ӏемар.
