Тишъеннача общежитешка бахарашта керда фусамаш лургья
Наьсарерча №№20,38 йолча Базорканаькъан Идриса урам тӀарча общежите тишденнача шин цӀагӀа баха нах, карарча шера тов бутт хьатӀакхачале, дехьабоахаргба кердача фусамашка. Цох дийцар шахьара мэра Оздой Руслана ше ГӏалгӀайчен Кулгалхочунца Келаматанаькъан Махьмуд-Ӏаьлаца къамаьл деш.
Уж гӀишлош, цхьа ах бӀаь шу совгӀа ха я хьалъяь, кхы а 2006 шера чухарцар кхерам болаш долчарех лоархӀаш дар уж цӀенош. Тӏехьарча шин бетта №20 йолча общежитера дӀабахар 14 дезал, вахара хьалаш дикагӀа долча моттигашка. Хӏанз дӀахо дӀахьош ба юхебиса 20 дезал баха ховшабара болх, цу юкъе суда болх а болаш.
Из къамаьл Мехкадас ер шу долалуш даьдар Оздой Русланаца.
«Хӏанз шахьара администраци ший ма-хулла из хаттар кхоачашде хьажа езаш я, нах цу фусамашкара арабаха беза лоаццача ханашка, хьалха лаьрхӀа ма хиллара», - аьлар Келаматанаькъан Махьмуд-Ӏаьлас.
