ГӀалгӀай къаман
юкъара газет

Шин кхален бахархошка хоам баьб, кхаш тӀа молхаш тохаш хиларах

ГӀалгӀайчен шин кхален бахархошка хоам бир, кхаш тӀа химически молхаш тохаш бола болх дӀахьош хиларах, яхаш, дийцар «Сердало» газетага ГӀалгӀай Республикан юртбоахама Министерствос.

«2024 шера бекарга бетта 15-ча денгара 29 денга кхаччалца, МагӀалбика кхален кхашка, гербицидаш оала молхаш тохаш хургья. Из болх дӀахьоргба Йоккхача Ачалкхе, Юкъерча Ачалкхе, Дабе-Юрта, Кердача Реданте», - йоах хоамо.

Коа тӀара хьайбаш, нокхарий доадергдоацаш, нахага дехар ду, хьайбаш а нокхарий а лораде, цу даькъ тӀа ца дохийташ.

Иштта министерствон говзанчаша хьалхадоаккх, 2024 шера бекарга бетта 15-ча денгара 25-ча денга кхаччалца, Осканаькъан С. цӀерагӀча ГУПа доазон тӀа, кхашкара дийнаташ доадара молхаш тохаш, болх дӀахьоргба. Бахархошка хоам бу, цу даькъ тӀа коа тӀара хьайбаш, доахан, жа доажаде йиш цахиларах.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде