Томскерча бахархошта гӀалгӀай, нохчий Ӏадаташ довзийтар
«Даьймохк» яхача лоаман халхара ансамбла концерт хилар Томске. Цига дийцар гӀалгӀай, ночхий Ӏадатех, оамалех. Массанешта, дукха хана денз, езаеннача цу ансамбла юкъе ба, гӀалгӀайи нохчийи санна, эрсий, татрий, гуржий, узбекаш. Театра сквере дӀадихьача концерто дукха адам гулдаьдар.
«Гулбеннарашта дайзар гӀалгӀай, нохчий Ӏадаташ, оамалаш, къамий дувхар, кхача, иштта Сибре йовзаш, езаенна йолча ансамбла вахар. Ферта, кхаькха кий тӀатилла сурт даккха йиш хургйолаш, кийчо яьяр цига. Тайп-тайпара даараш, Ӏи гӀетташ латташ самовар йолаш, сакъийрдар цига. БӀарчча цӀай дар салоӀача моттиге хиннар», - дийцар «Сердалога» республикерча Миннаца.
Ер шу Россе Дезала шу да, аьнна, кхайкадара хетаяь яр из кхетаче. Томскерча бахархошта дӀахайтар, Россе къамаш вӀаший барт, бувзам болаш, культуран оагӀув лорабеш даха дезилга.
