Георгиевски зигах наькх тӀа боаллабу маха хьабе Ӏомабергба мехкахой
27.03.2025 10:46
Гиоргиевски зигах наькх тӀа боаллабу маха хьабе Ӏомабергба тахан бахархой кулгашца тайп-тайпара хӀамаш хьаю говзанча йолча Хамхой Лидияс. Из болх цо дӀахьоргба республикерча Паччахьалкхен гойтама галерее. «Сердалога» из хоам бир культуран гӀулакхех йолча министерствон хоамий оагӀон кулгалхо йолча Хазанаькъан Хатимата.
«Сийлахь-боккхача Даьймехка тӀем тӀа Котало яккхар белгалдеш долча зигах наькх тӀа боаллабу маха мишта хьабе йиш я гойтаргда говзанчас. Вай бӀухоша моастагӀа вохавеш хьабенача наькъа исторически дагалоаттам лорабелга хьагойташ дола гӀулакх да из тахан», - дийцар тха газетага.
