«Наггахьа мара хоалуш доаца аькха – кавказски мосар яйра хьун тӀахьожам лоаттабеча болхлочоа. Мусенаькъан Заьлмаха меттахьа ца воалаш лаьттар из хоза хьайба кхералургдоацаш», - йоах хоамо.

Из чӀоагӀа сиха, зовза, геттара лоралуш, фийла аькха да. Кхерам хоабелча, чӀоагӀа масса деде кӀалхардоал из, лечкъа аьттув баьле. ЖӀайрахьа, Шолжа кхалений моттигашка дукха хана денз лел уж. Царна тӀакховда йиш йоацаш бокъо йийхкай, Дала хоза кхелла аькха да из. Ала деза, вай мехкарча хьунашкара, Ӏаламцара хозаленаш гойташ доахаш дола сурташ къаман хозача моттигий кхоане йолга.