Укх кхаь дийнахьа, лай токхам бар кхерам хиларах хоам бу бахархошка
26.01.2026 12:09
Лоаман моттигашка даша доладенна лоа чутакхар кхерам хиларах хоам бу МЧС мехкахошка а «Сердало» газетага а.
«Укх бетта 26-ча дийнахьа ялх сахьат даьлча денз 29-ча дийнахьа ялх сахьат даллалца йолча хана, лоаман моттигашка 1000 метр лакхера лоа чутакхар кхерам болаш хьал латт», - йоах хоамо.
Укх ӏай дикка лоа делхаш гӏор латтарах, хьаэтта хьал да из, лоаман лакхерча моттигашка геттара дукха хьаӏайна лоа улл. Лоа даша доладенна ха латтача хана цу моттигашка гӏолла лела, хехкавала йиш яц, хӏана аьлча, дагадоацача хана меттагӏдаьнна, чухьада йиш йолаш ба лай токхам.
Кхераме хургдолча хӏамах лорадалар дех МЧС!
