Йоккхача кхачан фестивале дакъа лаца бех мехкара бахархой
Йоккха кхачан фестиваль дӀахьоргья укх бетта 25-ча дийнахьа; Магасерча культурах, спортах, туризмах йолча моттиго дунен тӀа эггара лакхагӀа йолча музея «Барта гӀалан» доазон тӀа. «Сердалога» из хоам бир цу гӀулакха хьалхалаттараша.
«Фестивала керттера декхар - бахархошта, туристашта юкъе къаман даараш доаржадар. Программан юкъе да «ТолашагӀа дола гӀалгӀай модз», «ТолашагӀа дола цӀагӀара хьовла» яхараш. Мерза кхача мел безараш гулбергба яхьаша. Массане дог ураоттадеш цӀай хургда цох»,- аьлар ЦКСиТ викала Янданаькъан Абте. Дакъа лоацаш хургба нокхарий леладераш, ноанал де ховш бараш, иштта кхача кийчбеш йола моттигаш. Хьоарах, жуврах даь хьовла гойта деза доакъашхоша, иштта 3 тайпара модз. Нийсса кхо сахьат даьлча хьакхайкабергба котбаьннараш. 48 эзар сом ахча да цу гӀулакха хьакъоастадаьр. 15 эзар сом ахча лургда котбаьннарашта, шоллагӀа, кхоалагӀа моттигаш яьхарашта итт эзар, пхи эзар кхоачаргда.
