ГӀалгӀайчен бахархой бех, «КӀерамий ашараш» яхача концерте
29.11.2024 10:33
Наьсарен кхален администраце кагирхой совета «КӀерамий ашараш» яхача концерте бех ГӀалгӀайчен бахархой. Эккажкъонгий-Юртарча культуран ЦӀен сцена тӀа хургба, Россе тайп-тайпарча моттигашкара артисташ, яхаш, дийцар «Сердало» газетага ГӀалгӀай Республикан кагирхой туризма Министерствос.
«Говзача артисташа шоашта ховш дар гойтаргда, оагӀой бетта 14-ча дийнахьа. Сийрдача ашарий гойтаме хургья дукха культураш; цо таро лу наха кӀеззига дега салоӀам бе а, паргӀатабала а, иштта къаман барт, цхьоагӀо хьаллаца а», - аьлар хоамо.
Белгалду, цига хьагулдаь ахча дӀадохийтаргда ГӀалгӀайчен кагирхой культура дегӀайоалаяра.
