ГӏалгӀайчен бахархой хьех, «Кхерама духьала цхьана!» яхача кхетачене дакъа лаца.
24.06.2025 15:47
Кагирхой цхьанкхетарий цӏено мехка бахархой хьех гӀулакх тоадара хетаяьча кхетаче дакъа лаца, из хургья мехка столице, яхаш, дийцар «Сердало» газетага из болх вӀашагӀбеллараша.
«Аьтинга бетта 26-ча дийнахьа 11:00 сахьат даьлча, кагирхой цхьанкхетарий цӏагӀа гуллургба наркотикашца дувзаденна хьал дагадоаллаш бола нах. Из дӀахьош да, Халкъашта юкъера наркоманеца къовсам лоаттабара денна хетадаь. Цига дувца оттадаьд вахара воча хьала духьалъоттар, из хургдоацаш къахьегар, кхувш йоагӀача тӀехьенца айхха бувзам лоаттабар.
Доакъашхоша шоашта хетар аргда, из гӀулакх кхоачашдара керда наькъаш лохаргда», - аьлар хоамо.
