Юртбоахама ярмарке дакъа лаца бех мехкахой
Эккажкъонгий-Юрта тӏадоагӏача кӏира дӏаяхьа лерхӏача юртбоахама ярмаркера, шоашта эшаш бола тайп-тапара кхача эца аьттув хургба вай мехкахой. Из хоам «Сердалога» бир юртбоахама гӏулакхех йолча министерствос.
«Аланий коа, «Магас» яхача базара духьаларча доазон тӏа шоай кхача боаржабергба вай мехкарча, иштта Къилбаседа Кавказа, Къулбихьен федеральни оагӏон юртбоахама, фермерски боахамаша. Укх бетта 27-ча дийнахьа ӏуйрийна 10 сахьат даьлча дӏайолаенна, сахьат дийнахьа даллалца латтаргья ярмарка. Бахархой аьттув хургба цига хьоар, ялат; бежана, устагӏан, газа дулх; хаьсаш, сомаш, модз, даьтта, бокъабаь сомаш, иштта кхыдола даараш эца», - дийцар тха газетага.
«Базар тӏа тахан латтачул лохагӏа болча маьхах бахархой тайп-тайпара кхача эца йиш хургйолаш дӏахьош я ярмарка»,- дийцар ахархой министерстве.
