ГӀалгӀайчен бахархой бийхаб, Илдарха-ГӀалий тӀарча тӀема спортивни ловзарашка хьажа
Шоатта дийнахьа, 2024 шера маьтсела бетта 25-гӀа ди долаш, Илдарха-ГӀалан администраце дӀахьу тӀема-спортивни ловзараш, уж хетаду, ГӀалгӀай паччахьалкхен 100-шу дузаш хилара. Цига ва безам бар, моллагӀа веча дика хет. 14 шергара кхы лакхагӀа ханаш яьннараш; шоай физически кийчонга, шоашта карагӀдоалачунга хьежжа; цу безамеча яхьашка дакъа лаца йиш йолаш ва, аьлар «Сердало» газетага цигарча мэре.
«Яхьаш дӀахьоргья Заьзганаькъан Идриса цӀерагӀча майдан тӀа. Дакъа лоацараш дӀаязбе болалургба 9.30 сахьат даьлча. ДӀайолалургья яхьаш 10.00 сахьат даьлча. Эггара дикагӀвар харжа везаш ва, кхаь даькъа йийкъача яхьашка. Уж массахана дола герз нийса тохар, дӀандарг гаьнагӀа кхоссар, автомат вӀашагӀъяьккха юха вӀашагӀйоллар да», - йоах хоамо.
ХӀара яхьан юкъера дикагӀа вола кхо доакъашхо белгалвергва мах болча совгӀаташца, дипломашца.
Кхетачен керттера маӀан да, наха тӀема-спортивни говзал Ӏомаяр.
