«Маьтлоам тӀа бовла лаьрхӀарашта кийчбаь кхача хургба цига. Укх бетта 23-ча дийнахьа, нийсса ялх сахьат Ӏуйрийна даьлча, Наьсарерча кердача автовокзала доазон тӀа гуллургба из никъ бе лаьрхӀараш. Автобусашца хьалбига, юха цӀабоалабергба цу гӀулакха доакъашхой», - йоах тхога бенача хоамо. 21-гӀа ди тӀакхачале, министерстве ше дӀаязвайта, шийца РФ вахархочун паспорт долаш хила веза наькъа араваьннар.

Белгалде деза, Маьтлоам тӀа тӀабувлар вай мехка тхьовра денз хьадахьаш Ӏадат долга. Дуккхача наха дезаденнача гӀулакхех да из тахан.