«Хьамсара мехкахой! Оаха дехар ду шуга, боккъал а зехьа хий ма доаде! Тха болхлоша зийнад, ковнаш дулаш, бешамашка детташ, чӀоагӀа дукха хий доадеш латтилга. Сов чӀоагӀа из доадеш, бӀарчча тоатолаш долх урамашка гӀолла. Кхетаде деза оаш, хин кхом цабаро массанена из дӀа ца кхоачийталга», - йоах цу оагӀон болхлоша.

Цхьабараша вӀалла боарам боацаш хий доадеш латтарах, кхыйолча моттигашкарча нахага йоккха хало я, из ца тоъаш. Ахкан дӀайха денош хьаэттача, геттара воча оагӀорахьа дерз из гӀулакх. Зехьа хий доадар? Дала чӀоагӀа харцахьа лаьрхӀа хӀама да! Хам бе АллахӀа хьаденнача берката, уйла е кхыболча, хий ийдеш бахача наьха!