Шахьара 30 шу дизарца, даькъалабийцар магасхой
Магаса 30 шу дизарца, даькъалабувц шахьара бахархой тайп-тайпарча моттигашкарча болхлоша. Из хоам «Сердало» газетага бир шахьара администраце.
«Иразе, могаш, маьрша болаш бахалба шахьара бахархой! ХӀара денна тоалуш, эргайоалаш латтийла вай беркате шахьар Магас!» - йоах Миннаца болхлоша.
Магас хьалъеш бола хьалхара кхера 1994-ча шера саькура бетта 23-ча дийнахьа биллар. Цу шера бӀаьстан шоллагӀча бетта 15-ча дийнахьа, Магас-шахьар хьалъе йолаярах долча амара кулг яздир РФ президента.
Къаьнара Магас - «Маьлха шахьар» доккха истори долаш я. ЦӀихезача аланий столица хиннай из 943-ча шерашка.
Таханара Магас хӀара денна тоалуш, куц хувцалуш хьайоагӀаш я. Республикан хӀара вахархочун дега боча, гарга моттиг я из, дукха хьаьший, туристаш тӀалатташ шахьар я.
