Оалкамара нах дакъа лоацаш ба, «80 дика гӀулакх» яхача Ерригроссийски проекте
03.05.2025 21:23
Оалкама бахархой дакъа лоацаш ба «80 дика гӀулакх» яхача Ерригроссийски проекте. Маьтсела бетта 9-гӀа ди хьатӀадоагӀаш, цар лостам беш латт 31 шу хьалха никъ буллаш цига бейнача гуржий болхлой сийна оттадаь сийленг долча, яхаш, дийцар «Сердало» газетага Шолжа кхален администраце.
ДукхагӀа бола бахархой дакъа лоацаш ба хьаста тӀара доагӀача хин турбаш цӀенъеш, кхыдола лостама балхаш деш. Цигарча бахархоша исторически моттига куц тоадир, экскурси ерашта сапаргӀата хургйолаш моттиг кийчйир», - йоах хоамо.
Белгалду, из болх беш хиннача моттигерча Ӏаьдала новкъостал дир таро йолча юртхочо Беканаькъан ИбрахӀима.
