Шоай лоIамагIа тIема декхараш кхоачашде ловш ба вай бахархой
26.07.2024 11:46
Шоай лоIамагIа тIема декхараш кхоачашде баха ловш ба тахан, МагIалбика кхален бахархой. Цох лаьца дийцар кхален администрацера кулгалхой юкъе болаш дIайихьача кхетаче.
«ЛаьрххIа операци дIахьоча Украине тIема декхараш кхоачашде баха ловш ба СоагIапчара кагирхой. МагIалбика кхаленна кулгал деча Къоастой Iаддал-Хьамида тIадиллар; каьхаташ, царна эшаш дола кхыдараш кийчде, гIо де, аьнна.
Белгалде деза, тIема доакъашхошта республиканна кулгал деча Келаматанаькъан Махьмуд-Iаьлас хьателийташ хинна 200 эзар сом, карарча хана 400 эзар сомага кхоачаш айдаьлга», - дийцар «Сердалога» шахьара администраце. Ала деза, Донбассе дIахьоча тIема операцен юкъе барашта, цар дезалашта масса оагIорахьара Iаьдало новкъостал лоаттаду, аьнна.
