Бахархой таро я, «Турпалхой дагалоаттама мутӀахьа да!» яхача яхье дакъа лаца
ГӏалгӀайчен бахархой, аьтинга бетта 21-ча денга кхаччалца дакъа лоацаш хургба Ерригроссийски «Турпалхой дагалоаттама мутӀахьа да!» яхача кхоллама балхий яхье, яхаш, дийцар «Сердало» газетага «Даьхен лорбой» моттигерча ганзо.
«Из гулакх дӀадоладаьраш я Паччахьалкхен «Даьхен лорбой» ганз, «Хьалхарчар Болама» РДДМ, «Коталон волонтёраш» яха Ерригроссийски юкъарлон болам; Украине лаьрххӀа йола тӀема операци дӀахьош болча бӀухошта карагӀдаьнна турпала гӀулакхаш дицдергдоацаш, цар сийна», - аьлар хоамо.
Программа чудоагӀаш дола доакъош: «Аз дег чу лаьрххӀа лораду» яхача темах йола эссе; СВО моттигашта хетадаь дувцар; сочинени язъяр «Бӏухой дезал. ЛаьрххӀа йолча тӀема операце хьакхолл керда турпалхой» яхача темах; шоаш язъяьча байтех латта иллеш дахар а да цунна чудоагӀаш.
Иштта таро я лаьрххӀа йолча почтага гӀолла ший сурт, дилла сурт дӀадахьийта, лоаца видео (клип), из хетаяь хила еза доакъашхошта е лаьрххӀача операце латтача тӀема хьала.
Цунца цхьана боккха безам тӀабодаш да «Волонтёраш: фронта новкъостал»- волонтёрах (е волонтёрех) дувцар, цо тӀема юкъе дакъа лацарах, Котало гаргайоалаеш – из лаьрххӀа йола номинаци я Ерригроссийски «Коталон волонтёраш» яхача юкъарча боламгара.
Белгалду, яхьа чаккхе хургья лайчилла бетта, хӀаьта Ӏай дикагӀа дола балхаш даьрашта совгӀаташ луш кхетаче хургья.
