Яхьашка дакъа лаца дикагӀа вола участкови харжа йиш я мехкахой
Илдарха-ГӀалий тӀара ОМВД участкови, ерригача Россе дӀахьоча « Къаман участкови- 2024» яхача яхьашка, дакъа лоацаш хургва. Из хоам «Сердалога» бир Ӏаьдала болхлоша.
«Онлайне гӀолла дӀадихьар хоржамаш, гуйран кхоалагӀча бетта 1-ча дийнахьа. Илдарха-ГӀалий тӀара Россе ОМВД участкови Баденаькъан Ӏусмана Руслан хьаллаца йиш йолаш бар берригаш, хоржамашка дакъа лаьца. Ший кхадж тасса йиш яр «Комсомольски бакъдар» яхача газета сайтага гӀолла, 06.мвд.рф яхача сайте», - йоах тхога бенача хоамо. Укх бетта 10-ча - РФ чурча гӀулакхий оагӀон болхлой Ди дездеча дийнахьа, чакхдаргда хоржамаш.
«Къаман участкови» яхача яхьашка дакъа лоацаш вола вай мехкахо хьаллаца тӀахьех республикера бахархой. Цу гӀулакха пайда эца беза укх йоазох- https://www.kp.ru/media/984802/?participant=671b882bfbee6d0007e95313. МоллагӀча кхален участкове дӀахьош бола болх лоархӀаме ба цига бахача наха. Из ва наьха хьашташ, кхоачамбоацараш довзаш вола, моллагӀча хана оарцагӀвала кийча вола саг.
