ГӏалгӀайчен бахархой самукъадаьккхар Эккажкъонгий-Юрта хиннача концерто
16.12.2024 09:35
Дӏадахача салоӀача деношка, Эккажкъонгий-Юртарча культуран ЦӏагӀа «КӀерамий ашараш» яха концерт хилар. Из кхетаче вӀашагӀъеллар яр ГӏалгӀай Республикан белгалъяьнна артистка Оздой Лейла.
Пушкински картаца болх беча Султиганаькъан Ахьмада яхачох, цу кхетаченна чуйоагӀаш, мехка хьаьшашта, бахархошта лекхар халкъа ашараш, даьхар иллеш, гойтар дика довзаш дола киноленташ.
Концерте дакъа лоацаш бар Эккажанаькъан Марина, Ами Амер, Дышекова Фатима, Эккажанаькъан Роза, Атакова Айшат.
«Оаха баркал оал цига дакъа лоацаш мел хинначоа. Тхо тешаш да дӀахо а иштта вай цхьана хоза салоӀама ха дӀахьоргхиларах», - аьлар Султиганаькъан Ахьмада.
