Шолжерча бахархошта езаелар «Тушоли» яха фестиваль
ГӏалгӀайчен бахархой таро хилар Къахьегама цӀай долча бӀаьстен дийнахьа Шолжа-Шахьаре дӀахьош хиннача дешархой кхоллама кхетаченга хьажа. Из хоам «Сердало» газетага бир Шолжа кхален администраце.
«Массаза санна кхетаче дӀайихьар кхален культуран цӏагӀа. Берий халхара «Эздий» яхача ансамбло ший говзал гойтар. «Маьлха Аза» яхача программанна чудоагӀаш, тайп-тайпарча ишколай дешархоша шоаш пхьоал деш кхелла балхаш гойтар. Иштта чӀоагӀа самукъадаьлар культуран цӏихезача болхлоша лекхача ашарех. Цу даькъе толам баьккхарашта совгӀаташ делар», - йоах хоамо.
Белгалду, цига дакъа лоацаш бар беза хьаьший: РФ Президента чубоагӀаш бола болх бу берий бокъонаш лораяра викала гӀонча Кристина Владимировна Илюшина, ГӏалгӀай Республикан берий бокъонех йола Чахкенаькъан Зарема, Республикански халкъа кхоллама цӏен говзанча Абдурзаканаькъан Аьсет.
