«ГӀалгӀай республикерча бахархошта цар бокъонашца дувзаденна, мах боацаш гӀо дара Ди» яхача вахара проектага гӀолла дӀахьош болх ба из. Юридически оагӀонца, мах бала ца безаш, мехкахошта новкъостал дара тӀехьа дӀахьош кхетаче я из. Из хоам «Сердалога» бир УПЧ.

«ГӀо деха баьхкача бахархошта ховргда, шоай бокъонаш меттаоттаяра тӀехьа малагӀа гӀулакхаш юкъедоаладе йиш я. Ӏаьдала бокъонга хьежжа тохкаргба хӀара сага лоткъам, хаттар. Цига дӀатӀаводача сагага ший паспорт хила деза. Геттара дика да, ший хаттар сага ма дарра каьхата тӀа яздаь дӀачулой», - дийцар тха газетага.

Иштта, мах боацаш, гӀо даро бахархошта новкъостал ду шоай бокъонаш йовза, меттаоттае. Наха юкъе иштта кхетаченаш дӀакхахьар геттара лоархӀаме да тахан.