ГӀалгӀайчен бахархой хилар, «Шалта-2024» яхача халкъашта юкъерча фестивале
ГӀалгӀай паччахьалкхен 100 шу дизара хетаяь «Магас» оалача спорта ЦӀен даькъ тӀа дӀахьош яр «Шалта-2024» яха халкъашта юкъера фестиваль, яхаш, дийцар «Сердало» газетага из болх вӀашагӀбеллараша.
«Цо вӀашагӀтехар ГӀалгӀайчен, Нохчий, Селий, ГӀабаьртой-Балкхарой, кхыча дукхача Къилбаседа Кавказа мехкашкара кулгаговзал йола говзанчаш. Хьаьший гӀадбахабар иштта хоза вӀашагӀъелла программа хиларах, цу юкъе гойтамаш, ярмаркаш, тӀаьргаш, къаман даарах чам баккхар, берашта лаьрхӀа ловзараш, кхоллама тоабаш хиларах», - аьлар тха газетага.
«Даьхен лорбой» ганза филиала бехарах, тӀема ветеранаш, СВО доакъашхой гаргара нах бар цига дакъа лоацаш. Из кхетаче йистейоалаш, ганзо бийхача наха мерза совгӀаташ делар.
Белгалду, хьалхагӀа «Сердало» газето яздаьдар; ГӀалгӀай Республикан туризма комитета, «ГӀалгӀайче вола» яхача туроператора цхьана «Шалта-2024» яха фестиваль вӀашагӀйоллаш хиларах.
