ГӀалгӀайченга сагото я, ерригача Россега санна
Ерригача Россеца цхьана, сагото я ГӀалгӀайченга а. Россе хьакхайкадаьд къаман юкъара таьзет, «Крокус Сити Холле» хинна хатар бахьан долаш. Тахан беррига мохк цхьана ба, цу балан дийнахьа.
«Россе бахархой кхерабе, бохабе лаьрхӀа даь хӀама да из. Бакъда, вай моастагӀчунна дагалаттар кхоачашхургдац. Россе хилац наьха бала. Вай цхьа мохк ба, вайна хьалха низ бола кулгалхо а ва. Цу тайпарча хатараша вай кхы а чӀоагӀагӀа, барт-цхьоагӀо йолаш ду. Вай юхатохаргва моллагӀа вола моастагӀа», - язду тахан ший телеграм-каналага гӀолла ГӀалгӀайчен кулгалхочо Келаматанаькъан Махьмуд-Ӏаьлас.
Красногорске хинна хатар, Россе бахархой дегашка, хала чов хинна дессар. ГӀалгӀайчен дукхача моттигашка го йиш я, хьалтеха доахка гӀайган дешаш, шоллагӀа ди да паччахьалкхен байракхаш Ӏохийца латта.
ТӀеххьарча хоамах, «Крокус Сити Холле» хиннача унзарча теракта юкъе 154 саг лозаваьв, 133 саг веннав.
