ГӏалгӀайчен бахархой таро хургья, онлайн хьисапе Ӏаьдалца бувзаме бала
18.07.2025 14:35
Наьха, Ӏаьдала викалий бувзам шоайла дикагӀа а къайле йоацаш а хургболаш «Госуслуги. Кхоачашду цхьана» яхача майдан тӀа хьайийллай лаьрххӀа йола сайт. Цох дийцар «Сердало» газетага Магаса администраце зарбан болх лелабераша.
«Из сайт хинна Ӏац https://clck.ru/3NA5Zh, из да ма дарра дола Ӏаьдала викалашца деш дола къамаьл, цига хӀара сага таро я шийна хетар язде, лоткъам бе, цу тӀа ший сурт дита, хоржамашка дакъа лаца, республика дегӀаяра моллагӀча хаттарашта жоп дала, нахацара къамаьл яха эфир йолча хана, цига дакъа лаца.
Тхона, Ӏаьдала викалашта, юкъарча балхаца бувзабеннарашта - из дика таро я, нах хьахозаш хиларах, цар хаттараш кхоачашде йиш хиларах», - аьлар доал деча даькъ тӀа.
