«Хоза хьоарчаяь хӀама» яха говзанч-хьехам хилар
08.11.2024 12:19
ГӀалгӀайчен бахархой «Хоза дӀахьоарчаяь хӀама» яхача говзанч-хьехама доакъашхой хилар. Из безам тӀабодаш йола кхетаче дӀахьош, хьаьшашта совгӀата луш йола хӀама хоза дӀахьоарчаяра говзал Ӏомайир, яхаш, дийцар «Сердало» газетага ГӀалгӀай Республикан культуран Министерстве.
«Боканаькъан Аьсет, Хамхой Лида дукха ха я тайп-тайпара говзал Ӏомаеш бола, шоашта ховш дар дӀахьех цар республикан бахархошта а.
Шолжа-Шахьара культуран ЦӀагӀа Ӏомабалар дӀахьош дакъа лоацаш хилар моттигерча ишкола дешархой, студенташ, говзанчаш», - аьлар хоамо.
Хамхой Лидас яхачох, вайна юкъе чӀоагӀа даьржад луш дола совгӀат хоза дӀахьоарчадаь, кийчдаь хилар, къаьстта из эшаш хул йоӀ маьре йодаш, хьоалчагӀан кийчо еш. Цудухьа пайдане да къонабарашта из ховш хилар.
