Базорканаькъан И. цӀерагӀча драматически театро керда пьеса оттаяьй
ГӀалгӀай драматически театр дезарашта, ахкан хьалхара бутт чакхбоалаш, гойтаргья, ГӀалгӀай паччахьалкхен драматически театро Сосаркъанаькъан Аьсета кердача пьесах оттаяь, «Салон «Бордий зама» яха спектакль гойтаргья, яхаш, дийцар «Сердало» газетага цигарча зарбан болх лелабераша.
«Беламе спектакль хургья Наьсарен- Шахьара культуран цӀагӀа аьтинга бетта 28-29 деношка.
Цун режиссёр ва ГӀалгӀайчен халкъа артист Галай Мурат.
Цу пьесо довзийтаргда цхьан дезалера а цунна гонахьа кхестача заман а хьал. Цун турпалаша, нахал тӀех хила гӀерташ, шоашта тӀера сибаташ хувц, бакъда драматурга гойт цу наькъаца дувзаденна кхоачамбоацараш, иштта вахаре нийслуш дола кхыдола гӀалаташ», - йоах хоамо.
Театра викалаша яхачох, из пьеса оттаяр дувзаденна да, РФ Президента Путин Владимира 2024 шу - дезала шу да, аьнна, хьакхайкадаь хиларца.
