Хаттарашта жоп луш, наха мах оттабергба бокъонаш лораерий балха
ГӀалгӀай Республике гӀолла йола МВД хаттарий болх дӀахьош хилар, мехкарча полице болхлоша мишта къахьег хьожаш, яхаш, дийцар «Сердало» газетага цу боахаме.
«2024 шера тов бетта 5-ча денгара 25-ча денга кхаччалца, «Полице балха хьал довзара. Цох юкъарлонна фу хет тохкаш болх дӀабахьара», 2016-ча шера оагӀой бетта 1-ча дийнахьа арабаьннача №777 йолча Россе МВД соцама ма аллара, МагӀалбика, Магаса шахьарашка, иштта МагӀалбика кхале бахархошца хаттарий болх дӀахьоргба», - аьлар хоамо.
Цу тайпара болх дӀахьош хиларо таро лу полицена нахацара бувзам лелабе, цигара ховш хул мичахьа, фу юкъедаккха деза болх тоабара.
Хаттарий болх, нахаца барта а болаш, къайлагӀа хургболаш дӀахьош ба. Из болх дӀахьош болча нахага удостоверенеш а хургда, шоаш балха тӀа хилар хьагойташ.
