Республикан 33 шу дизар дездергда Илдарха-ГӀалий тӀарча бахархоша
04.06.2025 09:44
Республикан 33 шу дизара хетадаь цӀай кийчдаьд бахархошта шахьарерча мэре болхлоша. Из хоам «Сердалога» бир цу моттига зарбан болх лелабеча МутаӀаланаькъан Мадинас.
«Цу доккхача денца бахархой даькъалабувцаш, къамаьл дергда эггара хьалхарча даькъаца мэр волча Дидиганаькъан Ахьмада, Горсовета депутаташа, иштта кхыболча хьакимаша.
Илдарха-ГӀалийтӀарча, иштта кхыча моттигашкарча кхоллама тоабаша концерт кийчдаьд цу ден хетадаь. Доккха цӀай сийрдадоаккхаш хургья «ТӀаргам» яха берий халхара ансамбль», - дийцар тха газетага.
Цхьайтта сахьат даьлча дӀайолалургья из кхетаче.
