Къаман фронтагара гӀо дийхар МагӀалбикерча бахархоша
Къаман фронтагара новкъостал дехаш, кхайкар МагӀалбикерча Базорканаькъан цӀерах № 72 йолча квартирий цӀен бахархой. Уж чубахача цӀен кӀалха йоаллача подвала чу, массахана хьаӀовш, дукха хий латт, из бахьан долаш пенашта вар тӀайижай, даиман тӀоадал латта кӀалхара лард эккхар кхерам болаш я. ЦӀен кӀалха гӀолла йолха хин турбаш лерттӀа цахилар, подвал цхьацца кхоачамбоацараш юкъе долаш хьалъяр да цу хатара бахьан. Шахьарерча хьакимашкара оарц дехарах гӀулакх тоалуш, хувцалуш дац.
«Бахархоша белгалдечох, массехказа хьакимашка латкъарах гӀулакх аттачахьа далац. Шахьара администрацена тӀадиллад оаха, чура хий арадаьккхе, из тайпара хӀама кхы хургдоацаш; болх дӀахьо, аьнна», - дийцар «Сердало» газетага Къаман фронта исполкоме.
МагӀалбикерча хьакимаша из гӀулакх маца тоадаь доаккхаргда хьахьокхаргда хано.
