ГӀалгӀайчен МагӀалбика бахархоша, сердал йоацаш, цхьа ди доаккхаргда
16.04.2024 16:41
МагӀалбик-Шахьаре, МагӀалбика кхален юрташка баха нах цхьан дийнахьа сердал йоацаш хургба. «Къилбаседа Кавказа россетий «Ингушэнерго» лаьрхӀа я аргӀанара тоадара балхаш дӀадахьа. Уж йистедаргдац делкъа хана дӀадоладаь сайран 18 сахьат даллалца, яхаш, дийцар «Сердало» газетага ГӀалгӀайчен МЧС болхлоша.
«Карарча шера бекарга бетта 17 дийнахьа, 12:30 яьлча денз 18:00 сахьат даллалца, МагӀалбик-Шахьаре, Йоккхача Ачалкхе, Юкъерча Ачалкхе, Даби-Юрта, Кердача Реданте, Южне, СоагӀапча, Инаркъе, Долакоа, Аккхий-Юрта, Махьмад-хи ТӀа сердал хургьяц», - аьлар тхога хоам баьчо.
Мехка чоалханерча хьала викалаша юрташка бахаш бола нах тӀахьийхар, электрически гӀирс, сакхетам болаш, лорабеш хилара, иштта шоай лоалахошка из хоам дӀакхачийтара.
