Цхьа саг бахьан долаш, хий доацаш бисар Шолжа-Шахьарера бахархой
10.09.2025 09:34
Уйла ца еш, Шолжа шахьарерча цхьан вахархочо даьча хӏамах, цигара нах хий дӏалекъа бисар. Ший цӏагӏа цхьацца болх бе эттача сага ши урам вӏашкаоттачара хин кӏаллинг хий соцадеш дӏахьовзаяьй, хӏаьта вож дӏачӏоагӏъенна, меттагӏ ца йоаккхалуш йисай. Из хоам «Сердалога» бир мэре. Тахан меттадоаладе дезаш да из гӏулакх.
Колхозни, Сейнарой цӏерах долча урамашкара бахархой болх йистебаллалца хий доацаш хургба. Шахьарерча администраце кхайкарал ду бахархошка; иштта хӏама цу оагӏонцара болхлой юкъе боацаш, шоай лоӏамагӏа ма леладе, яхаш.
