Галашкара кхалнах даькъалабийцар наьна Денца
30.11.2025 22:54
Шолжа кхален Галашка баха кхалнах даькъалабийцар наьна Денца. Кхетаче дӏахьош дакъа лоацаш хилар Лаьрххӏача операце бӏухой ноаной, фусама-ноаной, яхаш, дийцар «Сердало» газетага из болх вӏашагӏбеллараша.
«Культуран Цӏагӏа боккъонца дола цӏай дӏадихьар. «Беркат» яхача ансамбло гӏадбигар гулбеннараш шоай халхарашца. Начӏал долча вокалисташа иллеш даьхар ноаношта лаьрхӏа. Литературно-драматически кружоке ӏомалучар хоза байташ йийшар, ноаношта зизаш делар. Цунца цхьана, бераш открыткаш кечдир», - аьлар хоамо.
Шоллагӏа дакъа дӏахьош, ноаноша шоай бераш хьалехар кулгашца, бӏаргаш дӏадувшадаь, из эггара сакъердамегӏа хилар, цо белгалбир нанна, бера юкъера бувзам.
