ГӏалгӀайчен яхархо, тийшача балхах, 500 эзар сома Ӏехайир
500 эзар совгӀа ахча дайра ГӏалгӀайчен яхархочун, зуламхоша Ӏехаяь хиларах. Сим-карта ха чакхъяьннай, аьнна, из теша а яь, цун цӀерагӀа кредит хьаийцар, шоаш из тийшаболх лелабе Ӏемача тайпара.
«ГӏалгӀайчен ха деча даькъ тӀа хьаера из кхалсаг «Ватсапе» гӀолла малав ца ховча сага, федеральни боахама, «Госуслуги» портала мобильни бувзама оператор ва ше аьнна, къамаьл дир шийга, яхаш, дийцар цо. Договор хувца дезаш да, аьнна, цун абонента номер хар духьа смс-хоамий код цунга хьа а алийта, цун цӀерагӀа кредит даьккхад. Цу «говзанчаша» шийга аьннар хьадеш йолча кхалсага, цар хьаеннача номерах 502 эзар сом дӀадахьийтад»,- аьлар «Сердало» газетага ГӏалгӀай Республике гӀолла йолча Россе МВД зарбан болх лелабераша.
ГӏалгӀайчен бокъонаш лораяра болхлоша мехка бахархошта хьалхадоаккх, цу моча нахах тийша, малав ца ховча сага телефон техаяр, электронни каьхат яздаьдар, аьнна, тешаш ма хила.
Киберзуламхоша керда-керда наькъаш лох, тешаш бола нах Ӏехабе.
