ГӏалгӀайчен яхархо «Чкъорд» яхача халкъашта юкъерча яхьа доакъашхо я
27.03.2025 12:41
ГӏалгӀай Республикан къона яхархо Лаьнанаькъан Марем хьакхайкаяьй ӀV-ча Халкъашта юкъерча «Чкъорд» яхача вокала-хора яхье ӀӀ-ча боарама лауреат санна, яхаш, дийцар «Сердало» газетага ГӀР культуран Министерстве.
«Ше цига дакъа лоацаш, йиӀига гойтар ший лакха начӀал хилар. Хозача ашарий еррига бокъонаш лора а еш гойтача композице кхело болх бе-башха доацаш битанзар», - аьлар хоамо.
Белгалду, из йиӀиг дешаш я Шолжа-Шахьара культуран цӏагӀа, Доврбиканаькъан Анжеликас кулгал а деш. Цӏихезача хьехархочо цун вокальни говзал дегӀайоалаеш къахьег, иштта из белгала йола саг хилийта гӀерташ. ГӀалгӀай Республикан культуран Министерствос даькъалаювц Адама Марем из котало яккхарца, кхы а йоккхагӀча кхоллама лакхаленга кхоачийла из!
