Чокхеш дохкаш я со, яхаш, нах Ӏехабаьчо гӀод токхаргда
Нах Ӏехабеш, тийшаболх боаржабеш яьхача мехкахочун гӀулакх тохкаш ба Магаса кхален суде. Из хоам «Сердалога» бир Ӏаьдала болхлоша.
«ДӀабихьача тохкамах гучадаьннад, из саг 2022-ча шерарча бӀаьстан хьалхарча бетта интернете гӀолла чокхеш да шийга дохкаш, яхаш, хоам увттабеш, нах Ӏехабеш хиннилга», - йоах тхога бенача хоамо.
Чокхеш дохкаш я со, яхаш, Соче яха кхалсаг Ӏехаяь, цунгара 154 000 сом ахча кхаьчад цун карта тӀа, хӀаьта маьре йодаш тӀаювха еза коч, бут балале хьатийга, Ӏойохьийтаргья яьнна Ӏехаяьй цо из.
Ишттача наькъаца ший тийшаболх дӀахохьош, Новгороде яхача кхалсагагара 2024-ча шера 22 000 сом даьккхад цо. Ахча каракхаьчача, царцара бувзам хоадабаь, тийшача балхаца даьккха рузкъа паргӀатта дуаш яьхай зуламхо.
Судо оттадаьчох, цу наьха дайнар дӀатакха дезаш я из, цул совгӀа, 60 000 сом гӀод токхаргда цо.
