«Са хьал бакъдеш дола деррига каьхаташ долаш да сога. Цул совгӀа, интернетерча унахцӀенон хьалах болча оагӀон тӀа латташ хила деза уж. Бокъо йоацаш, сона хьадоагӀа ахча хьадала ца тугаш, кхестаю со. Боккъал, оарцагӀдаьхке, меттаоттае са бокъонаш», - язду кхалсага, Ӏаьдалгара оарц дехаш.

Сага бокъонаш лораярах болча оагӀон болхлочо Россе Соцганзага гӀолла техкар из гӀулакх. «Сердало» газетага баьча хоамах, Ӏаьдала болхлой юкъебаьхка, кхалсага доагӀаш хинна ахча хьахьожадир.