ГӏалгӀайчен яхархочунна новкъостал дир, ца доагӀаш теха декхар тӀерадаккха
22.05.2025 17:01
Республикан прокуратуро дӀабихьача тохкамах, моттигерча яхархочунна ца доагӀаш газах хьатеха хинна 157 эзар сом гаргга декхар юхадаьккхар, яхаш, дувц «Сердало» газетага ГӏалгӀай Республикан тӀахьожам лоаттабеча болхлоша.
«Тохкам беш белагалдир, 2023 шера ардара бетта денз Шолжа-Шахьаре яхача кхалсага, ший цӀагӀа йоагаяьча газах хьатеха ахча нормативах техад, йоагаяь газ дӀалоархӀаш йолча приборах а ца тохаш, из бахьан долаш газах дола декхар 157 эзар сом хилар», - аьлар хоамо.
Цу моттига генеральни кулгалхочунна прокуратуро из хьал дӀахайтар, цу кхалсага бокъо меттаоттае дагахьа.
Цу тайпара хьал юкъедоларах, йоагаяьча газах йоагӀа перерасчёт йир, ца доагӀаш хьатеха декхар тӀера дӀадаьккхар.
