ГӏалгӀайчен яхархочун пенси ийдара бокъонаш меттаоттайир
23.06.2025 15:01
Наьсарен кхален Яндаре яха кхалсаг леткъардир ГӏалгӀайчен сага бокъонех волча Викалга, ший пенси хьа ца луш соцадаьчул тӀехьагӀа.
«Укх массехк шера а, се ха яьнна саг хиларах дола пенси хьаийдеш яр со. Бакъда карарча шера саькура бетта денз, са пенси соцадаьд», - аьлар пенсионеркас.
«Сердало» газетага УПЧ зарбан болх лелабераша ма аллара, республикан яхархочун дехарах доагӀаш дола каьхат дӀадахьийтар Викало Россе Вахара ганзе.
«ШозлагӀа материалашка хьежачул тӀехьагӀа, кхалсага пенси юха меттаоттадир къоаночун доагӀаш долча боарамах 12 эзар 389 сом. Цунна иштта хьаделар, 2025 шера саькура беттагара аьтинга беттага кхаччалца, соцадаь лаьтта ахча а», - аьлар ГӏалгӀайчен УПЧ.
