Магаса яхархочунна, Калашникова автомат лелаярах, суд ергья
25.04.2025 14:28
Магасе яха 42 шу даьнна кхалсаг суда хьалхашка оттаргья, бокъонах доацаш герз леладаь хиларах. Тохкамхоша баьча балхо хьагойтачох, из яхаш йолча Заьзганаькъан проспекта тӀарча квартире, Калашникова автомат корайир, кхо поатрон а йолаш цунца, яхаш, дийцар «Сердало» газетага тӀахьожам лоаттабераша.
Герз хьадаьккхар 2024 шера ардара бетта 15-ча дийнахьа, лаьрххӀа йола операци дӀахьош. ХӀанз уголовни гӀулакх дӀачуденнад Магасерча кхален суде; хӀаьта кхалсага, бокъо йоацаш герз леладарах, статьях йоагӀаш йола суд ергья.
