Суда хьалха оттаргва, 1 миллион совгӀа ахча лочкъадаь cаг
14.05.2025 11:01
Наьсарера мемориал тоаеш бола болх дӀахьош, 1 миллион совгӀа Ӏаьдала рузкъа лочкъадаьча 30 шу даьннача болх кхоачашбеш хинначун гӀулакх суде дувцаргда. Из хоам «Сердалога» бир МВД.
Цунна тӀатетташ долча гӀулакхах, из болх чакхбаккха эшаш хинначул дукхагӀа ахча да цо Ӏаьдалгара дӀаийцар. Тохкама болхлоша белгалдечох, 11 миллион совгӀа ахча да цо мемориал тоаеча эш, аьнна, оттадаьр. Бакъда, оттадаьча каьхаташка хьежжа доацаш, эггара дарегӀа йола хӀамаш я цо болх беча юкъеяхийтараш, хӀаьта каьхаташ тӀа цар дикка лакхагӀа мах оттабаьб. Деррига теркалдича, 1 миллион совгӀа зе даьд цо Ӏаьдала.
Цун гӀулакх суде тохкаш латт, хӀаьта цунна мехкара аравалара бокъо йийхкай.
