Вай республикан вахархо бехктокхаме эзав, герзи герзацара гӀирсаши леладарах
Магас кхален судо герзи, герзацара гӀирсаши, лелхаш йола хӀамаши ийца хиларах; бехктокхаме эзав Наьсарера вахархо, яхаш, хоам бу бокъонаш лораераша «Сердало» газетага.
«Гучадаьлар, цу сага бокъо йоацаш эца а ийца, лелаеш хиннай ше вахача Южни урам тӀарча цӀагӀа шоаш хьаяь тепча, цунцара 9х18 мм йола бархӀ поатрон, дӀандарг, шоаш хьаяь лелхаш йола чоалх; царца тепча кхувса а хӀама эккхийта а таро хиннай», - яхаш дийцар хьабайтача хоамо.
Шоай аргӀанара болх дӀахьош, уж еррига кхераме хӀамаш цунгара ший ханнахьа хьаяьхай дӀаяхача бӀаьсти ГӀалгӀай Республике гӀолла йолча Россе УФСБ болхлоша.
Цунна духьала зуламца дувзаденна гӀулакх хьадийлла хиннад Российски Федераце Уголовни Кодекса 1 д. 222 ст., иштта 1 д. 222 .1 ст. Судо цунна 5 шу ха техай (набахта чувалла ца везаш), иштта 40 000 сом гӀод такха деза цун. Цул совгӀа, цу тайпара хӀама цо дой зувш хургда Ӏаьдал диъ шера.
