Ондарга урс дийттар Ӏаьдала кара ва
05.05.2025 10:11
15 шу даьннача сага урсаца човнаш яь 33 шу даьнна МагӀалбикера вахархо Ӏаьдало лаьцав. Из хоам «Сердалога» бир Ӏаьдала болхлоша.
Наькх тӀа урс деттаденна саг укх бетта 1-ча дийнахьа МагӀалбикерча дарбанче Ӏочувигар. Тохкама болхлоша белгалдечох, 33 шу даьннача вахархочунца дов ийккха, цо яьй цунна уж човнаш.
Зуламхо къайлавала хьежавар, бакъда, шоллагӀча дийнахьа хьалеха, Ӏочувигав из Ӏаьдало. Карарча хана из гӀулакх тохкаш, болх дӀахьош ба Ӏаьдала болхлой.
